વાત કર મા !
ભૂલવાની વાત કર મા
ઝૂરવાની વાત કર મા
આવડત ક્યાં સાંધવાની !
તૂટવાની વાત કર મા
લાવ તરો હાથ ઝાલું
ડૂબવાની વાત કર મા !
થઈ જશે તણખો,સજીવન
તું હવાની વાત કર મા !
છે લકીરો પથ્થરો પર
ભૂંસવાની વાત કર મા
આજ છે અવસર અનેરો
તું,જવાની વાત કર મા !
માંડ જામી છે મહેફિલ
ઊઠવાની વાત કર મા !
ડો.મહેશ રાવલ
નવેસર/૯૬
December 31, 2008 at 1:25 pm
માંડ જામી છે મહેફિલ
ઊઠવાની વાત કર મા !
- વાહ જનાબ !
December 31, 2008 at 4:13 pm
nice gajhal !
બોલ તારો પાળજે ભઇ
ફરવાની વાત કર મા !
http://www.aasvad.wordpress.com
December 31, 2008 at 7:33 pm
આવડત ક્યાં સાંધવાની !
તૂટવાની વાત કર મા
વાહ…વાહ..ખૂબ જ સુંદર..!!
January 1, 2009 at 1:42 am
વાહ વાહ !
વ્યોમ પાદરમાં જ તારક ભીડ જામી,
રાત ભર મહેફિલમાં રોનક રહી છે.
હ્નલનો માણસ સમજવો આજ અઘરો,
ઊઠવાની વાત કરે છે!!