બદલતું કથાનક !
આમ ખાલી અને આમ ભરચક હતો
ક્યાંક સર્વાનુમત, ક્યાંક રકઝક હતો !
થઈ ગયો સાવ અમથો -અલગ વાત છે
આ જ સંબંધ ક્યારેક, અઢળક હતો !
કોઇ અંદર સુધી ક્યાં કરે છે નજર ?
છેવટે, હર નજરમાં સતત શક હતો !
ક્યાં સમંદર થવાની કરી જીદ મેં ?
ક્યાં નદીનો ય નિર્ણય, અચાનક હતો !
જે થયું તે થયું સ્હેજના ફેરમાં
ત્યારથી હું, બદલતું કથાનક હતો !
ડો.મહેશ રાવલ
નવેસર/૯૮
January 10, 2009 at 7:02 pm
જે થયું તે થયું સ્હેજના ફેરમાં
ત્યારથી હું, બદલતું કથાનક હતો !
ખુબજ સરસ
તમારી જ વાત
જુદી નીકળી ધારણાથી હકીકત
અને ધારણા, ફેર ધારી શક્યા નહીં
January 12, 2009 at 6:41 am
જે થયું તે થયું સ્હેજના ફેરમાં
ત્યારથી હું, બદલતું કથાનક હતો !
-સુંદર મજાનો શેર… વાહ!