ડ્હોળું જળ !
શું લખે, જો માછલી કાગળ લખે !
આપણેં જોયાં નથી, એ સ્થળ લખે !
લાલ-પીળા રંગનાં લીટા કરી
હાંસિયામાં, પારદર્શક છળ લખે !
બે અરીસા સામસામા ગોઠવી
એક ચહેરો, ધૂંધળો વિહવળ્ લખે !
શું લખે વિસ્તાર પૂર્વક ઘર વિષે?
કાચનીં પેટી અનેં સાંકળ લખે !
એક પંખી ઉડતું ચીતરી, અને
અટપટી એકાદ-બે અટકળ લખે !
સહેજ અટકીનેં લખાશે-જિંદગી
ભૂખરા શેવાળ, ઉંડા તળ લખે !
એક ફકરો, અધબળેલાં શબ વિષે
કચકચાવી દાંત, ગંગાજળ લખે !
તરજુમો ક્યાં થઈ શકે છે, ચીસનો?
સનસનાટીખેજ છેલ્લી પળ લખે !
આઠમાં દરિયા તરીકે, બે-ધડક
આપણીં ઓકાત, ડ્હોળું જળ લખે !
ડૉ.મહેશ રાવલ
નવેસર/૩૪
ફેબ્રુવારી 4, 2008 at 10:39 પી એમ(pm)
શું લખે, જો માછલી કાગળ લખે !
આપણેં જોયાં નથી, એ સ્થળ લખે !
Nice gazal. Enjoyed.
ફેબ્રુવારી 5, 2008 at 3:31 એ એમ (am)
સુંદર ગઝલ
આ શેર બે નમુન છે.
તરજુમો ક્યાં થઈ શકે છે, ચીસનો?
સનસનાટીખેજ છેલ્લી પળ લખે !
ફેબ્રુવારી 5, 2008 at 3:58 એ એમ (am)
સુંદર ગઝલ. દરેક શેર તગડા થયા છે. છતાં બે શેર વધુ ગમ્યા..
એક ફકરો, અધબળેલાં શબ વિષે
કચકચાવી દાંત, ગંગાજળ લખે !
તરજુમો ક્યાં થઈ શકે છે, ચીસનો?
સનસનાટીખેજ છેલ્લી પળ લખે !
ફેબ્રુવારી 5, 2008 at 6:16 એ એમ (am)
સુંદર ગઝલ, મહેશભાઈ… બધા જ શેર સરસ છે, પણ આ વધુ ગમ્યો:
શું લખે વિસ્તાર પૂર્વક ઘર વિષે?
કાચનીં પેટી અનેં સાંકળ લખે !
ફેબ્રુવારી 5, 2008 at 12:49 પી એમ(pm)
Congrats…Superb Gazal….Keep it up…Dhiren Avashia
ફેબ્રુવારી 5, 2008 at 2:07 પી એમ(pm)
IT IS BEAUTIFUL.
ફેબ્રુવારી 5, 2008 at 5:22 પી એમ(pm)
khub saras.. enjoyed!!
ફેબ્રુવારી 5, 2008 at 10:33 પી એમ(pm)
1 sav samanya laagati vat ne pan aape shabdo na dware sajavi didhi Dr. ..!! khub j saras.. enjoyed Matsya safar.. 🙂
ફેબ્રુવારી 6, 2008 at 4:39 પી એમ(pm)
બહુજ સુંદર ગઝલ..
જય ગુર્જરી,
ચેતન ફ્રેમવાલા
ફેબ્રુવારી 7, 2008 at 2:14 પી એમ(pm)
તરજુમો ક્યાં થઈ શકે છે, ચીસનો?
સનસનાટીખેજ છેલ્લી પળ લખે !
aathami ajayabima bedhadak
aapani aa aakhi gazal lakhe !!!!
જુલાઇ 11, 2008 at 9:14 એ એમ (am)
Superb……….