પાછા વળો !
લાગણી જેવું જરાપણ હોય તો, પાછા વળો
નીકળે એવું નિવારણ હોય તો, પાછા વળો !
જિંદગી, કંઈ એકલાં વીતી શકે એવી નથી
ક્યાં જવું એની વિમાસણ હોય તો, પાછા વળો !
આપણા સંબંધનો ઈતિહાસ જાજરમાન છે
જો સ્મરણ એકાદ પણ ક્ષણ હોય તો, પાછા વળો !
ખ્યાલ નહીં આવી શકે, વૈશાખમાં ભીનાશનોં
આંખ નહીં, રગમાં ય શ્રાવણ હોય તો, પાછા વળો !
ફૂલ માફક મેં હથેળીમાં જ રાખ્યાં છે, છતાં
સ્વપ્નમાં પણ આવતું રણ હોય તો, પાછા વળો !
આમ તો મારા હિસાબે, હાથ છે સંજોગનોં
તોય બીજું કોઇ કારણ હોય તો, પાછા વળો !
ખેલદિલી તો અમારી ખાસિયત છે, આગવી
એ વિષયમાં ગેરસમજણ હોય તો, પાછા વળો !
આટલાં વરસે ન શોભે, આમ તરછોડી જવું
સ્હેજપણ શેનું ય વળગણ હોય તો, પાછા વળો !
હું ય જીરવી નહીં શકું આઘાત, આવો કારમો
‘ને તમારે પાળવું પ્રણ હોય તો, પાછા વળો !
ડો.મહેશ રાવલ
નવેસર/૪૬
માર્ચ 15, 2008 at 3:36 પી એમ(pm)
બહુ જ લાગણીશીલ ગઝલ અને એ અવસ્થાનું સુંદર નીરુપણ …
પણ આપણે બહુ સારી રીતે જાણીએ છીએ કે, એ અવસ્થા કદી પાછી આવવાની નથી.
જીવન માટે વધારે સારો અભીગમ છે – વ્યથાને અંદર જ ધરબી દેવાનો – તેની અભીવ્યક્તી કરવાનો નહીં. કે તેને વાગોળ્યા કરવાનો નહીં.
શેખાદમ આબુવાલાની અમર રચના યાદ આવી ગઈ.
ધ્રૂજતા મારા અધર, શી કુશળતાથી કરું સ્મિતથી સભર?
ક્યાં’ક ઊની આહ થઈને , નીતરી જાજે તું ના.
હે, વ્યથા! કૂમળા કો કાળજાને કોરતી કાળી કથા….
માર્ચ 15, 2008 at 7:26 પી એમ(pm)
hraday sparshi vytha…
માર્ચ 16, 2008 at 5:31 એ એમ (am)
નવેસર આખો સંગ્રહ જ મજાનો છે પણ રોજિંદી વાતચીતની રદીફ લઈ ચાલતી આ ગઝલ વધુ સ્પર્શી જાય છે…
માર્ચ 16, 2008 at 10:32 એ એમ (am)
વધુ એક સુંદર..સરળ, ઝટ અને અસરકારક રીતે સમજાય તેવી રચના.
ડિસેમ્બર 23, 2011 at 4:15 એ એમ (am)
ફૂલ માફક મેં હથેળીમાં જ રાખ્યાં છે, છતાં
સ્વપ્નમાં પણ આવતું રણ હોય તો, પાછા વળો !
પાછા વળો – મજાનો રદિફ અને એને ભરપૂર ન્યાય કરે એવા નાજુક સંબંધોનો વિષય લઈ વણેલા કાફિયાઓ.
હમણાં જ જાણ્યું કે આ ગઝલ મનહર ઉધાસના નવા આલ્બમ અભિલાષામાં સ્થાન પામી એ જાણી અત્યંત હર્ષ થયો… ખુબ ખુબ અભિનંદન મહેશભાઈ..
ડિસેમ્બર 23, 2011 at 6:37 પી એમ(pm)
ખૂબ સરસ ગઝલ..મહેશભાઈ મુબારક આપને
ડિસેમ્બર 23, 2011 at 7:26 પી એમ(pm)
khub j sunder ghazal..
ડિસેમ્બર 24, 2011 at 4:08 એ એમ (am)
મારા ખૂબ ખૂબ અભિનંદન.
ડિસેમ્બર 24, 2011 at 6:08 એ એમ (am)
આપણા સંબંધનો ઈતિહાસ જાજરમાન છે
જો સ્મરણ એકાદ પણ ક્ષણ હોય તો, પાછા વળો !
ખૂબ સરસ
અભિનંદન !
ડિસેમ્બર 25, 2011 at 3:08 એ એમ (am)
આમેય નવેસર ગમે ત્યારે વાંચો નવો જ લાગે… અને એમાય આ ગઝલ ખરેખર સ્પર્શી જાય તેવી છે….ખુબ ખુબ અભિનંદન
જાન્યુઆરી 17, 2013 at 8:16 એ એમ (am)
અત્યંત લાગણી સભર અને હૃદય સ્પર્શી ગઝલ.