અમે બસ અહીં સુધી પહોંચ્યા…!

img_59182

તફાવત એકધારો લઈ,અમે બસ અહીં સુધી પહોંચ્યા
સહજતાનો સહારો લઈ,અમે બસ અહીં સુધી પહોંચ્યા

ખુલાસા કોણ પૂછે સાવ અમથી ધૂમ્રસેરોના ?
હથેળીમાં તિખારો લઈ,અમે બસ અહીં સુધી પહોંચ્યા

ન દરિયો, કે ન દરિયાની પરાકાષ્ઠા ગળે વળગી
તરસથી પર જુદારો લઈ, અમે બસ અહીં સુધી પહોચ્યા

અજાણ્યું કોણ છે, ઇતિહાસ બનતા પૂર્ણ કિસ્સાથી ?
નવીનતમ ફેરફારો લઈ, અમે બસ અહીં સુધી પહોંચ્યા

ઊતર-ચડ શ્વાસ ક્યારે, ક્યાં અટકશે, કોણ જાણે છે ?
પળેપળનો ધ્રુજારો લઈ, અમે બસ અહીં સુધી પહોંચ્યા

ન ચર્ચા કર હવે એ દોસ્ત ! અંગતના પ્રહારોની
દરદનો એજ ભારો લઈ, અમે બસ અહીં સુધી પહોંચ્યા

સવાલ જ ક્યાં હતો સિધ્ધાંત વેંચી, પેટ ભરવાનો ?
ખુમારીનો ઇજારો લઈ, અમે બસ અહીં સુધી પહોંચ્યા

બદલતી પાત્રવરણી સ્પર્શ કરતી ગઈ, કથાનકને
પ્રસંગોથી પનારો લઈ, અમે બસ અહીં સુધી પહોંચ્યા

અજાણ્યો કેમ લાગ્યો રોજનો રસ્તો, પરત ફરતાં ?
મનોમન એ વિચારો લઈ, અમે બસ અહીં સુધી પહોંચ્યા.

ડો.મહેશ રાવલ
નવેસર/૧૦૦
navesar1

 

-વ્હાલા ભાઈ/બહેનો/વડીલો/મીત્રો,

મારો તૃતિય ગઝલ-સંગ્રહ “નવેસર” હું આપ સહુ સુધી પહોચાડવા,એ ગઝલ સંગ્રહની ગઝલો   https://navesar.wordpress.com  પર આપની સમક્ષ પ્રસ્તુત કરી રહ્યો હતો.
જેમાં ટોટલ ૧૦૦ ગઝલો છે, આજે મકરસંક્રાંતિ પર્વે ૧૦૦મી  છેલ્લી ગઝલ પોસ્ટ કરી રહ્યો છું.
એટલે હવે
https://navesar.wordpress.com    પર, કોઇ નવી ગઝલ પોસ્ટ નહીં થાય…..
પ્રથમ ગઝલથી જ આપ સહુએ સુંદર પ્રતિભાવથી આવકારી એક સન્માન બક્ષ્યું છે અને ઘણાં નામી-અનામી ગુજરાતી બ્લોગ જગતના ભાઈ/બહેનોએ તો પોતાના બ્લોગપર નવેસરની ગઝલો પણ પોસ્ટ કરી આદર કર્યો છે…..

અહીં,
અત્યારસુધી, જેઓએ “નવેસર” ને પોતાના પ્રતિભાવ પુષ્પથી નવાજ્યો છે, સમય- સમયે જરૂર જણાઈ ત્યાં અમુલ્ય સૂચનો કર્યા છે એ દરેક સુજ્ઞજનો પ્રત્યે હૃદયપૂર્વક આભારની લાગણી વ્યક્ત કરૂં છું.

મારા અન્ય બ્લોગ 

http://drmahesh.rawal.us 

પર રાબેતામુજબ,નવી લખાતી જતી ગઝલો
પોસ્ટ થતી જ રહેશે,એને પણ આપનો સ-રસ આવકાર મળ્યો છે અને સતત મળતો જ રહેશે એ અપેક્ષા.
તો,
આજે  
navesar.wordpress.com  પરથી આપ સહુની રજા લઈશ.
-આવજો !

-ડો.મહેશ રાવલ

 

 

 

Advertisements

42 Responses to “અમે બસ અહીં સુધી પહોંચ્યા…!”

  1. હાર્દીક અભીનંદન
    તમારી દરેક ગઝલના ભાવ અને લયનો કોઈ જવાબ નથી. ગુજરાતી ગીરાને આમ અવીરત ઘરેણાં આપતા રહો એવી શુભેચ્છા..

  2. આપને હાર્દિક અભિનન્દન મહેશ ભાઇ , આપ આવી જ રીતે આપની કલમ દ્વારા અવિરત કાવ્ય-ગંગા વહાવ્યા કરો એવી શુભેચ્છા..!!

  3. ખૂબ ખૂબ અભિનંદન અંકલ.. તમારી બધીજ ગઝલો સુંદર રીતે અભિવ્યક્ત થઈ છે.. નવેસરમાં તમે ઘણા જુદા જુદા વિષયો આવરી લીધા.. ઘણી ગઝલ સાવ સરળ અને સહજ અને ઘણી મોઘમ અને ગૂઢ.. ક્યારેક હળવી ગઝલમાં હસ્યા તો ઘણી ગઝલોએ દિલમાં અંદર સુધી ચોટ આપી.. આ આખી જ સફરમાં જિંદગીના ઘણા રંગો નિહાળવા મળ્યા.. તમે આમ જ અવિરત લખતા રહો તેવી શુભેચ્છાઓ..

  4. ૧૦૦ ગઝલો…
    હાર્દીક અભીનંદન
    ન ચર્ચા કર હવે એ દોસ્ત ! અંગતના પ્રહારોની
    દરદનો એજ ભારો લઈ, અમે બસ અહીં સુધી પહોંચ્યા
    વાહ્
    તારા સુધી પહોંચી ગયો, એ તો નસીબ નો ખેલ છે, …
    મેં જોયો, અહીં તહીં ચોતરફ બસ ભાગતો માણસ
    અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા.
    સરસ
    તમે જો છેક અંદર સુધી પહોંચી જાવ તો મને ….
    અહીં ક્ષણક્ષણને બસ જીવી જવામાં સાર લાગે છે

  5. હાર્દિક અભિનંદન મહેશભાઈ…!

    તમારા આખા કાવ્યસંગ્રહને ધીમે ધીમે અહીં મૂકીને ખૂબ જ સરસ કામ કર્યુ છે. ઘણી સુંદર અને સ-રસ ગઝલો અમારે માટે અહીં સહજતાથી સુલભ કરી દીધી એ બદલ આભાર…!

    આવી જ રીતે અમને કાયમ સ-રસ ગઝલો આપતા રહો એવી શુભેચ્છાઓ સહ… ફરી એકવાર અભિનંદન !

  6. સવાલ જ ક્યાં હતો સિધ્ધાંત વેંચી, પેટ ભરવાનો ?
    ખુમારીનો ઇજારો લઈ, અમે બસ અહીં સુધી પહોંચ્યા

    તમારી ખુમારીદાર ગઝલોને સલામ … આગળનો પ્રવાસ ક્યારે કરાવો છો ?

  7. વાહ ! આપે ખૂબ સુંદર કામ કર્યું છે. એક એકથી ચઢિયાતી ગઝલો આપી છે.
    આપની ગઝલો માટે હું એક જ શબ્દ કહીશ > લાજવાબ !
    વિષયવૈવિધ્ય, સુંદર અને સહજ રદીફ અને કાફિયા, ઉત્તમ વિચારો, સ્વાનોભવો
    ક્યારેક આધ્યાત્મિક તો ક્યારેક જીવનોપયોગી વાતો લઇને આપે ગઝલ ક્ષેત્રે ખૂબ
    સુંદર ખેડ કરી છે. ગઝલના અસલ મિજાજને આપે દરેક ગઝલમાં જાળવી
    રાખ્યો છે. આપની અનુભવી કલમ દાદને કાબિલ છે. નવેસર સંગ્રહને ભલે અહીં
    સમાપ્ત કરો, પરંતુ તરત જ એક નવો સગ્રહ શરુ કરશો એવી અમે સૌ આશા
    રાખીએ છીએ. અભિનંદન અને આભાર !

  8. “નવેસર” ના પ્રકાશિત થવાના અવસર માટે ખુબ ખુબ અભિનંદન … અને આ જ રીતે આપ નિતનવી ગઝલો લઈને આવતા રહો એવી શુભેચ્છા …

  9. ‘નવેસર’ની પ્રત્યેક ગઝલમાં કવિનો આગવો મિજાજ પ્રગટે છે. નવા રદીફો–કાફિયા સાથે સો ટચના સોના જેવી, અલગ તરી આવતી મઝાની ગઝલો માણવાનો અને તેમાંથી શિખવાનો આનંદ આવ્યો છે.. ને તમે જ કહ્યું‘તું..
    કોણે કહ્યું શબ્દ કૌવતહીન છે ?
    કયો પાળિયો બેઠો કરું નક્કી કરો.

    સાચે જ સફળ કવિના શબ્દોમાં પાળિયા બેઠા કરવાની તાકાત હોય છે તે નવસરે સમજાવ્યું છે.
    સહજનો સહારો લઈ, હથેળીમાં તીખારો લઈ, નવા ફેરફારો લઈ, દરદનો ભારો લઈ અને ખુમારીનો ઈજારો લઈ તમે અહીં સુધી પહોંચ્યા એ સફળતાને સલામ છે. નવી ગઝલોના બ્લોગ પર મળતા રહીશું.

  10. ખૂબ ખૂબ અભિનંદન મહેશ અંકલ,

    આ આખીય સફર મજેદાર રહી !!
    નવા રદ્દીફ-કાફિયા , વિષય વૈવિધ્ય, બહોળું જ્ઞાન ત્રણેયનો સુભગ સમન્વ્ય
    અમે સૌએ માણ્યો ……… જો કે, હમણાંથી નિયમિત તમને મળી શકાતું નથી તો
    કદાચ રાજકોટ આવીને જ મળી લઈશ.

    હા… હવે નવેસરથી મળીશું નેટ પર !!

  11. અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા.

    – રાબેતા મુજબની સુંદર ગઝલનો આ મજેદાર શેર…

    નવેસર સંગ્રહ આમ તો આખો વાંચ્યો જ હતો પણ આપની સાથે સાથે નેટ પર ધીમી ગતિનું પુનરાવર્તન કરતા રહેવાનું પણ ખૂબ રૂચ્યું. આભાર અને અભિનંદન!

    આપની સતત ગતિનો હું ચાહક પણ છું અને મને એની એર્ષ્યા પણ કદીક થાય છે… સોમી ગઝલની વાત ઉપર એક શેર યાદ આવે છે:

    ભલે ને સોમી ગઝલ લખતો હોઉં હું તો પણ,

    વીતેલી પળ ફરી જીવ્યા વિના શું છૂટકો છે?

    -આભાર અને અભિનંદન….

  12. sundar abhinadan sir………….
    Navesar laine ahisudhi pahochava badal pan ….

  13. હાર્દિક અભિનંદન મહેશભાઈ…!

    બસ આમ જ બ્લોગ જગત ને કંઇને કંઇ આપતા રહેજો….

    દિવ્યેશ પટેલ

    http://www.krutarth.co.cc

    http://www.divyesh.co.cc

  14. ખૂબ ખૂબ અભિનંદન..ખૂબ સુન્દર ગઝલો….

    વધુ ને વધુ સંગ્રહો આપતા રહો એવી શુભેચ્છાઓ સાથે…

    આખો સંગ્રહ એકીસાથે વાંચવાની મજા સમય મળ્યે જરૂર માણીશું. આભાર સાથે…

  15. CONGRATULATIONS, MAHESHBHAI ! After this 100th Gazal of Navesar, may God inspire you to write more !
    Dr, Chandravadan Mistry

  16. ઊતર-ચડ શ્વાસ ક્યારે, ક્યાં અટકશે, કોણ જાણે છે ?

    પળેપળનો ધ્રુજારો લઈ, અમે બસ અહીં સુધી પહોંચ્યા.

    હાર્દીક અભીનંદન

    તમારી દરેક ગઝલના ભાવ અને લયનો કોઈ જવાબ નથી. ગુજરાતી ગીરાને આમ

    અવીરત ઘરેણાં આપતા રહો એવી શુભેચ્છા.

    Rajendra Trivedi, M.D.

    http://www.yogaeast.net
    http://www.bpaindia.org

  17. અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા.

    Aa bahu gami…. congretulations for your new book… wish u the best..

    Lata Hirani

  18. hi…….. good. my best wishes for ever. sanju vala

  19. અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા.

    સરસ ગઝલ મઝા પડી…

  20. maheshbhai,

    i went through ‘NAVESAR’ . no words for comments are enough. all gazals are mind blowing. congratulations. keep it up.

  21. બદલતી પાત્રવરણી સ્પર્શ કરતી ગઈ, કથાનકને
    પ્રસંગોથી પનારો લઈ, અમે બસ અહીં સુધી પહોંચ્યા

    અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા.

    ખૂબ સુન્દર..
    આજે ફરી એકવાર અભિનંદન..તમારી ઘણી ગઝલો આજે એકી સાથે માણી…
    આભાર અને અભિનંદન..હાર્દિક વધાઇ…

  22. ન ચર્ચા કર હવે એ દોસ્ત ! અંગતના પ્રહારોની
    દરદનો એજ ભારો લઈ, અમે બસ અહીં સુધી પહોંચ્યા

    આજે પહેલીવાર આપના આ બ્લોગમા આવી ગઝલો વા્ચિ પાગલ થઈ ગઈ ખૂબ મજા પડી આટલિ સરળતાથી આપણિ ગઝલો વાંચવા મળિ એટલે આણંદ થયો આભાર અને નવેસર માટે મુબારકબાદ
    સપના

  23. સવાલ જ ક્યાં હતો સિધ્ધાંત વેંચી, પેટ ભરવાનો ?
    ખુમારીનો ઇજારો લઈ, અમે બસ અહીં સુધી પહોંચ્યા

    These lines are very touching for the people who did not compromize on ethics and life values in their lives.
    Indeed a nice Gazal.
    “Saaj” Mevada

  24. ભાઈશ્રી મહેશભાઈ
    આજે પહેલીજ વાર આપના બ્લોગની મુલાકાત લીધી અને ગઝલ માણી. ખાસ તો આપની આ પંકતિઓ ખૂબજ ગમી !

    ઊતર-ચડ શ્વાસ ક્યારે, ક્યાં અટકશે, કોણ જાણે છે ?

    પળેપળનો ધ્રુજારો લઈ, અમે બસ અહીં સુધી પહોંચ્યા
    અભિનંદન ! ફરી પણ મુલાકાત લેતો રહીશ અને આપની ગઝલો માણતો રહીશ ! આવજો !
    સ-સ્નેહ
    અરવિંદ

  25. સવાલ જ ક્યાં હતો સિધ્ધાંત વેંચી, પેટ ભરવાનો ?
    ખુમારીનો ઇજારો લઈ, અમે બસ અહીં સુધી પહોંચ્યા

    વાહ વાહ સુંદર

  26. મનને સ્પર્સી જાય તેવી ગઝલો છે

  27. I m Speech Less…No words..

  28. અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા…sundar bhavo

  29. ગઝલને આપે અનોખા અંદાજે મઢી છે.આ ગઝલ શતદલ સાહિત્યની
    સુગંધ બની મહેકશે જ..હાર્દિક અભિનંદન, શ્રી મહેશભાઈ.

    રમેશ પટેલ(આકાશદીપ)

  30. અજાણ્યો કેમ લાગ્યો રોજનો રસ્તો, પરત ફરતાં ?
    મનોમન એ વિચારો લઈ, અમે બસ અહીં સુધી પહોંચ્યા .
    ઊતર-ચડ શ્વાસ ક્યારે, ક્યાં અટકશે, કોણ જાણે છે ?
    પળેપળનો ધ્રુજારો લઈ, અમે બસ અહીં સુધી પહોંચ્યા……

    Keep writting…

    Rajendra
    http://www.yogaeast.net

  31. many many congretulations….waiting for your new GAZAL SANGRAH..

    Lata Hirani

  32. નવેસરને ખોબો ભરી અભિનન્દન. સરસ ગઝલ અને પરંપરાની ગઝલોમાં પહેલાં આવતો તિખારો કાફિયો આનંદ આપી ગયો.

  33. ભાઈશ્રી. ડૉ. મહેશભાઈ

    આજે પહેલીજ વાર આપના બ્લોગની મુલાકાત લીધી અને ગઝલ માણી.

    પરમાનંદ જેવો પરમ આનંદ થયો સાહેબ

    અભિનંદન

    આપને બિરદાવવા મારી પાસે શબ્દ ભંડોળ ઓછુ પડે છે ભાઈ

    ડૉ.કિશોર પટેલ

  34. મહેશભાઈ,
    તમારી પરંપરાગત ગઝલને માણવામાં હું મોડો પડ્યો અને એથી જ પ્રતિભાવ આપવામાં, સુંદર ઉઘાડ સાથેના મત્લા સાથેની સાંગોપાંગ ગઝલ વાંચી ખુબ આનંદ થયો. નવકલ્પનો થી ગઝલ સમૃદ્ધ થઇ છે.

  35. ખૂબ ખૂબ અભિનંદન. લખતા રહો..

    લતા જ. હિરાણી

  36. ગઝલ એટલે પ્રેમ અને પ્રેમિકા.
    બધાજ શેર પ્રેમિકા જેવા થયા છે.એટલે આખેઆખી ગઝલને પ્રેમ કરવાનું મન થાય છે.
    વાહ વાહ સિવાય બીજું કાંઈ સૂઝતું નથી.

  37. પ્રિય શ્રીમહેશભાઈ,

    આપને દિલથી ખૂબ-ખૂબ અભિનંદન તથા અનેકોનેક હાર્દિક શુભે્ચ્છાઓ.

    માર્કંડ દવે.

  38. કીર્તિકાન્ત પુરોહિત્ Says:

    bahu j saras. Lage raho…..

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: